ᐅᖃᖃᑎᖃᕆᐊᖃᕈᕕᑦ, ᐅᖄᓚᕝᕕᒋᒍᒃ ᐃᑲᔪᖅᑕᐅᕕᒃ ᐅᖄᓚᐅᑎᒃᑯᑦ, ᐅᖄᓚᕝᕕᒋᒍᑦ ᐃᑲᔪᖅᑕᐅᕕᒃ ᐅᖄᓚᐅᑎᒃᑯᑦ.

ᑲᒪᑦᓯᐊᕐᑐᑦ ᑕᕝᕙᓃᑉᐸᒃᑐᑦ ᑭᒃᑯᑐᐃᓐᓇᕐᓄᑦ ᐅᖃᖃᑎᖃᕈᒪᔪᓄᑦ ᐊᑲᐅᙱᓕᐅᕈᑎᒋᔭᒥᖕᓂᒃ. ᐃᓱᒪᒋᔭᖃᕈᕕᑦ, ᐊᒻᒪᓗ ᑭᓱᑐᐃᓐᓇᕐᒥᒃ ᐃᓱᒫᓘᑎᖃᕈᕕᑦ. ᐃᓛᓐᓂᒃᑯᑦ ᐃᓱᒫᓘᑎᒋᔭᕗᑦ ᐅᕝᕙᓘᓐᓃᑦ ᖃᑉᐱᐊᓱᑎᒋᔭᕗᓪᓘᓐᓃᑦ ᐊᖏᔪᐊᓘᖁᔨᔪᓐᓃᖅᐸᖕᒪᑕ ᐅᖃᖃᑎᖃᕌᖓᑦᑕ ᓈᓚᑐᐃᓐᓇᕈᒪᓲᒥᒃ.

ᐃᓄᒃᑎᑐᑦ, ᑲᒪᑦᓯᐊᖅᑐᑦ ᑐᑭᖃᖅᑐᖅ ᐃᓱᒪᖃᑦᑎᐊᓲᑦ ᐊᓯᒥᖕᓂᒃ ᖃᒪᑦᓯᐊᖅᑐᑦ. ᐃᓕᓐᓂᐊᖅᓯᒪᔪᑦ ᐊᑭᓕᖅᓱᑕᐅᓇᑎᒃ ᐃᖅᑲᓇᐃᔭᖅᑎᕗᑦ ᐅᖃᓚᐅᑎᒦᓲᖑᔪᑦ ᐃᑲᕋᓂᒃ 24ᓂᒃ ᖃᐅᑕᒫᑦ ᐱᓇᓱᐊᕈᓯᓕᒫᒥ. ᐊᑭᓕᖅᓱᖅᑕᐅᓇᑎᒃ ᐃᖅᑲᓇᐃᔭᖅᑎᕗᑦ ᓇᑭᖔᕈᓘᔭᖅᓯᒪᔪᑦ ᐱᑐᐃᓐᓇᐅᖏᓐᓇᐅᔭᖅᑐᑦ ᖃᓄᑐᐃᓐᓈᖅᑐᑦ ᓈᓚᒍᓐᓇᖅᑐᑦ ᐅᖃᓪᓚᒡᕕᖃᕈᒪᔪᖃᖅᐸᑦ ᐊᑲᐅᙱᓕᐅᖅᑐᖃᖅᐸᑦ ᐱᒻᒪᕆᐅᒋᔭᖓᓂᒃ. ᐊᑭᓕᖅᓱᑕᐅᓇᑎᒃ ᐃᖅᑲᓇᐃᔭᖅᑎᕗᑦ ᖃᓪᓗᓈᑎᑐᑦ ᐅᖃᕈᓇᖅᑐᑦ ᐅᓄᖅᑐᓪᓗ ᐃᓄᒃᑎᑐᑦ ᐅᖃᕈᓐᓇᖅᖢᑎᑦ ᐅᐃᕖᑎᑐᓪᓗ.

ᑲᒪᑦᓯᐊᖅᑐᑦ ᐱᒋᐊᓚᐅᖅᑎᓪᓗᒍ ᐅᖄᓚᐅᑎᒃᑯ ᐃᑲᔪᖅᑕᐅᕕᒃ ᑭᐅᓯᖃᑦᑕᓕᖅᑎᓪᓗᒋᑦ ᐅᖄᓚᐅᑎᒥᒃ ᔮᓗᐊᕆ 15ᖑᑎᓪᓗᒍ, 1990, ᐊᖏᖅᓯᒪᔪᒍᑦ ᐃᑲᔪᕈᒪᓪᓗᑕ ᐃᓄᖕᓂᒃ ᐃᒻᒥᓂᒃ ᐃᑲᔪᕈᒪᔪᓂᒃ. ᑲᒪᑦᓯᐊᖅᑐᑦ ᐊᑭᓕᖅᓱᑕᐅᓇᑎᒃ ᐃᖅᑲᓇᐃᔭᖅᑏᑦ ᐋᖅᑭᒃᓯᒋᐊᕋᓱᒃᐸᙱᑦᑐᑦ ᐊᑲᐅᖏᓕᐅᕈᑕᐅᔪᓂᒃ. ᐃᑲᔪᕋᔭᖅᑐᑦ ᐃᓕᖕᓂᒃ ᓇᓂᓯᑎᑦᑎᓪᓗᑎᒃ ᐃᓕᖕᓂ ᐋᑭᒋᐊᕈᑎᒋᔪᓐᓇᖅᑕᕐᓂᒃ ᐊᑦᑕᓇᙱᑦᑐᒥᒃ, ᐃᑲᔪᖅᑐᐃᔾᔪᑎᒥᒃ, ᐃᖅᑲᑐᐃᙱᑦᑐᒥᒃ ᐅᖃᕐᕕᖃᖅᑎᑦᑎᓪᓗᑎᒃ ᐅᖄᓚᔪᑦ ᑕᒪᕐᒥᒃ ᑭᒃᑯᑐᐃᓐᓇᕐᓄᑦ ᐅᖃᐅᓯᐅᔮᙱᑦᑐᑦ. ᐅᖃᓗᒃᑐᑦ ᑕᒪᕐᒥᒃ ᑭᓇᑐᐃᓐᓇᕐᒧᑦ ᑐᓴᖅᑕᐅᒐᔭᙱᑦᑐᑦ.

ᑲᒪᑦᓯᐊᖅᑐᑦ ᑭᒃᑯᑐᐃᓐᓇᕐᓄᑦ ᑐᕌᖓᔪᖅ, ᐊᑲᐅᙱᑐᒦᑐᑐᐊᖑᙱᑦᑐᓄᑦ. ᐅᖃᖃᑎᖃᕆᐊᖃᕈᕕᑦ, ᑭᐱᖑᒍᕕᓪᓘᓐᓃᑦ, ᐋᓐᓂᐊᕈᕕᑦ, ᐃᓱᒫᓗᒃᑯᕕᑦ ᐅᕝᕙᓘᓐᓃᑦ ᐅᖃᖃᑎᖃᕈᒪᒍᕕᑦ ᐱᕙᓪᓕᐊᔪᖁᑎᖕᓂᒃ ᐱᐅᔪᒥᒃ, ᐊᑏ ᐅᖄᓚᕕᒋᑎᒍᑦ.