ᒥᒃᓵᓄᑦ

ᖃᓄᖅ ᑲᒪᑦᓯᐊᖅᑐᑦ ᑮᓇᐅᔭᖃᖅᑎᑕᐅᓚᐅᕐᒪᒑᖅ ᐊᒻᒪᓗ ᓴᖅᑭᓚᐅᒪᒑᖅ

ᐅᑭᐅᒍᓕᓵᑎᓪᓗᒍ 1989ᒥ ᕿᑭᖅᑖᓗᖕᒥ ᓄᓇᑦᓯᐊᒥ, ᐊᒥᓱᓂᒃ ᐃᒻᒥᓃᖅᑐᖃᖃᑦᑕᓚᐅᖅᑐᖅ. ᐱᓗᐊᑐᒥᒃ ᒪᒃᑯᒃᑐᓂᒃ, ᑲᑎᒪᓂᕐᒥᒃ ᐋᖅᑭᓯᔪᖃᓚᐅᖅᑐᖅ, ᐊᒻᒪᓗ ᐊᑲᐅᖏᓐᓂᖏᑦ ᖃᐅᔨᓴᖅᑕᐅᓚᐅᖅᑐᑦ ᐋᖅᑭᒍᑎᒋᑐᐃᓐᓇᕆᐊᖃᖅᑕᖏᓪᓗ ᖃᐅᔨᓴᖅᑕᐅᓚᐅᖅᓯᒪᔪᑦ, ᐃᓚᒋᔭᐅᓪᓗᓂ ᐃᓱᒪᒋᔭᐅᓚᐅᖅᑐᖅ ᐋᕿᒃᓯᔪᒪᓪᓗᑎᒃ ᐃᑲᔪᖅᑕᐅᕕᖕᒥᒃ ᐊᑲᐅᙱᓕᐅᖅᑐᖃᓕᖅᐸᑦ ᐅᖃᓚᕝᕕᖕᒥᒃ/ᐅᖃᓚᐅᑎᕐᑯᑦ, ᐃᖃᓇᐃᔭᖅᑎᖃᕐᖁᔨᓚᐅᑐᑦ ᐃᓕᓐᓂᐊᖅᓯᒪᔪᓂᒃ ᐊᑭᓕᖅᓱᖅᑕᐅᙱᑦᑐᓂᒃ.


ᐅᐱᕐᖓᒍᓕᖅᑎᓪᓗᒍ 1989ᒥ, ᓯᐱᓯᑯᓐᓂ ᐃᖅᑲᓇᐃᔭᖅᑐᑦ ᐊᖅᑭᓱᐃᓚᐅᖅᑐᖅ ᐱᙳᐊᑐᖃᐅᔭᕐᓂᕐᒥᒃ ᓯᑯᒥ ᓴᓂᕐᖢᑎᒃ ᑭᓇᐅᔭᒃᓴᕋᓱᒃᖢᑎᒃ ᐅᖄᓚᕕᒃᓴᒧᑦ. ᑖᓇ ᐱᓚᐅᖅᑐᖅ ᓴᕿᑎᑦᑎᓚᐅᖅᑐᖅ ᐊᔾᔨᒌᒥᒃ ᐃᓱᒪᖃᖅᑐᓂᒃ ᐊᑭᕐᓯᓗᑎᒡᓗ ᓯᕗᓕᐹᓂᒃ ᑲᑎᒪᔨᓂᒃ ᐊᕿᓯᓗᑎᒡᓗ ᐅᖃᓚᐅᑎᒃᑯ ᐃᑲᔪᖅᑕᐅᕕᖕᒥᒃ. ᐃᓕᓐᓂᐊᖅᑎᑦᑎᔪᒃᓴᒥᒃ ᐋᖅᑭᓯᓚᐅᖅᓯᒪᖕᒥᔪᑦ ᐱᖁᓯᒧᓗ ᑐᕌᖓᔪᒥᒃ ᐃᓕᓐᓂᐊᖅᑕᐅᖃᑦᑕᓂᐊᖅᑐᒥᒃ ᐊᑭᓕᖅᓱᑕᐅᓇᑎᒃ ᐅᖃᓚᕕᖕᒦᖃᑦᑕᕐᓂᐊᖅᑐᓂᒃ. ᐃᑲᔪᖅᑕᐅᕕᔪᐊᓚᐅᖅᑐᑦ ᐅᓄᖅᑐᓄᑦ ᓄᓇᓕᖕᒥᐅᑕᕐᓄᑦ ᑎᒥᖁᑎᒋᔭᐅᔪᓂᑦ ᐊᒻᒪᓗ ᐃᓄᖕᓄᑦ, ᐃᑲᔪᑕᐅᕕᒃ ᐅᖃᓚᐅᑎᒃᑯᑦ ᐱᒋᐅᓚᐅᖅᑐᖅ ᐊᑐᓕᖅᖢᓂ 15ᖑᑎᓪᓗᒍ ᔮᓄᐊᕆ 1990ᒥ. ᒪᕉᓂᒃ ᐅᖃᓚᐅᑎᖃᓚᐅᖅᑐᖅ. ᐊᕐᕌᒍᑉ ᓯᕗᓪᓕᖅᐹᖓᓂ ᐊᐅᓚᓕᖅᑎᓪᓗᒍ, ᐅᖄᓚᐅᑎᒃᑯᑦ ᐃᑲᔪᖅᑕᐅᕕᒃ ᐅᖓᑖᓂ 400 ᐃᓱᕐᖢᓂ ᐅᖄᒪᕕᐅᓚᐅᖅᑐᖅ.

 

Shorline in focus and looking out over a lake with mountains in the background.

ᐃᓄᒃᑎᑐᑦ ᐅᓗᒥ ᐊᑎᕆᔭᖓ ᐱᔨᑎᕋᕕᐅᑉ ᑲᒪᑦᑎᐊᖅᑐᑦ(ᑐᑭᖓ ‘ᐊᓯᒥᓂᒃ ᐃᓱᒪᔪᑦ ᑲᒪᑦᑎᐊᑦᑐᑦ’). ᐱᒋᐊᖅᑎᓪᓗᒍ ᐊᐅᓚᓂᕆᓚᐅᖅᑕᖓ 14 ᐊᑭᓕᖅᓱᖅᑕᐅᓇᑎᒃ ᐃᖃᓇᐃᔭᖅᑐᖃᓚᐅᑐᖅ, ᐃᑲᕋᓂ 16 ᐃᓕᓐᓂᐊᓚᐅᖅᓯᒪᔪᑦ. ᐅᖃᕐᓂᐅᓚᐅᖅᑐᖅ ᐅᖄᓚᕕᖕᒧᑦ “ᐊᓯᒥᓂ ᐃᖃᔪᓲᖅ ᐃᒻᒥᓂᒃᑕᐅᖅ ᐃᑲᔪᓲᖑᕗᑦ.” ᑲᒪᑦᓯᐊᖅᑐᑦ ᑭᓇᑐᐃᓐᓇᒧᑦ ᑐᕌᖓᕗᖅ, ᐃᓄᖕᓄᑐᐊᖑᖏᑦᑐᖅ ᐊᑲᐅᖏᓕᐅᖅᑐᓄᑦ ᐅᕙᓘᓐᓃᑦ ᐃᒻᒥᓃᕈᒪᔪᓄᑦ, ᑐᓴᖅᐸᒃᑐᒍᑦ ᐅᖄᓚᔪᓂᑦ ᑕᒪᑯᓂᖓ ᐃᑲᔪᖅᑐᖅᑕᐅᔭᕆᐊᖃᖅᑐᓂᒃ. ᑮᓇᑐᐃᓐᓇᖅ ᐅᖃᖃᑎᖃᕆᐊᖃᕈᓂ ᑭᓇᑐᐃᓐᓇᕐᒥᒃ, ᑭᐱᙳᖑᓂ, ᐋᓂᐊᕈᓂ, ᐃᓱᒫᓗᒃᑯᓂ, ᖃᐅᔨᕚᓕᕈᑎᑖᕈᒪᒍᓂᓗ ᐅᕝᕙᓘᓐᓃᑦ ᐅᖃᖃᑎᖃᕈᒪᒍᓂ ᐱᕙᓕᐊᔪᖁᑎᒥᓂᒃ ᑐᓴᕈᒥᓇᑐᒥᒃ ᑐᓴᕈᒥᓇᙱᑦᑐᒥᒃᓘᓐᓃᑦ, ᑕᐃᑲᓃᑉᐸᒃᐳᒍᑦ ᓈᓚᒍᒪᓗᑕ, ᐃᑲᔪᕈᒪᓪᓗᑕᓗ ᐊᒻᒪᓗ ᐃᑲᔪᖅᓱᐃᔪᒪᓪᓗᑕ.


ᖃᐅᔨᓇᓚᐅᖅᑐᖅ ᓄᓇᓖᑦ ᐅᑭᐅᖅᑕᖅᑐᒦᑦᑐᑦ ᐅᓄᖅᑐᑦ ᐱᔨᑦᑎᕋᐅᑎᒥᒃ ᑖᓱᒥᖓ ᐱᔪᒪᓚᐅᖅᑐᑦ. ᑎᓯᐱᕆ 1990 ᖑᑎᓪᓗᒍ, ᑮᓇᐅᔭᓂᒃ ᑐᓂᔭᐅᓚᐅᖅᑐᑦ ᐅᖃᓛᐅᑎᐅᑉ ᐱᑐᒃᑕᐅᔪᑎᒃᓴᖓᓄᑦ ᓇᐃᓴᐅᑎᐅᑉ 800ᐅᑉ ᐱᑐᒃᑕᐅᔪᑎᓴᖓᓄᑦ ᐊᑭᖃᖏᑑᑉ. 800 ᐱᔨᑦᑎᕋᐅᑎ ᐊᑐᕈᓐᓇᖅᓯᒪᐅᖅᑐᖅ 15 ᖑᑎᓗᒍ ᔮᓄᐊᕆ 1990ᒥ, ᐊᕐᕌᒍᑦᑎᐊᖅᑎᓪᓗᒍ. ᓄᓇᕗᒻᒥ ᐱᔨᑦᑎᕋᐅᑎ, ᐊᖏᒡᓕᒋᐊᓚᐅᕐᒥᔪᖅ ᓄᓇᕕᖕᒧᑦ (ᑯᐃᐸᒃ ᐅᐊᓇᖓᓄᑦ) ᐊᒻᒪᓗ ᐊᓯᖏᓐᓄᑦ ᐅᖓᓯᒃᑐᒦᑐᓄᑦ, ᐃᓱᒪᒋᔭᐅᓚᐅᑐᑦ ᐅᖄᓚᕙᒃᑐᑦ ᐃᓗᕆᓂᖅᓴᐅᖁᓪᓗᒋᑦ ᐅᖃᓪᓚᒃᑎᓪᓗᒋᒃ ᑲᒪᑎᐊᑐᒧᑦ ᑮᓇᐅᔭᒃᓴᕋᑎᒃ ᐃᖅᑲᓇᐃᔭᖅᑎᓄᑦ ᖃᐅᔨᒪᙱᑕᒥᖕᓄᑦ, ᐃᓄᒃᑎᑑᕈᓇᖅᑐᒥᑦ ᐱᑕᖃᑦᑎᐊᓚᐅᙱᑐᖅ ᐅᖃᓪᓚᒍᓇᖅᑐᓂᒃ ᐅᐊᖕᓇᒦᑐᓄᑦ ᓄᓇᓕᖕᓄᑦ.


1994ᖑᑎᓪᓗᒍ, ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ ᐊᒻᒪᓗ ᐃᓄᓕᕆᔨᒃᑯᑦ, ᐃᓚᖃᖢᑎᒃ ᓄᓇᔅᓯᐊᕗᑦ ᒐᕙᒪᖏᓐᓂᒃ, ᑲᒪᑦᑎᐊᑑᑉ ᑲᑎᒪᔨᖏᓐᓂᒃ ᐊᐱᕆᓚᐅᖅᑐᑦ ᐱᓕᕆᖁᔨᓪᓗᑎᒃ ᖃᐅᔨᕙᓪᓕᕈᑎᒃᓴᒥᒃ ᐊᓴᐱᖃᕐᓂᐅᑉ ᒥᒃᓵᓄᑦ, ᑕᒃᖠᒋᐊᓗᓂᓗ ᒪᑐᐃᖓᖃᑕᕐᓂᕆᔭᖓᑦ 7:00ᒥᑦ 12ᒧᑦ ᐅᓐᓄᑕᒫᑦ. ᑖᓐᓇ ᐱᔨᑦᑎᕋᐅᑎ ᐃᓚᓚᐅᖅᑐᖅ ᐱᔭᕆᐊᖃᓪᓚᕆᖕᒪᓗ ᐃᓕᓐᓂᐊᒐᒃᓴᓗ ᐃᓚᓚᐅᕐᒥᔪᖅ, ᐱᓗᐊᖅᑐᒥᒃ ᐊᓴᐱᖃᓂᐅᑉ ᒥᒃᓵᓄᑦ ᐊᒻᒪᓗ ᓄᓕᐊᕐᓂᒃᑯᑦ ᐊᐃᑐᑎᐅᔪᓐᓇᖅᑐᑦ ᐊᒻᒪᓗ ᖃᓄᐃᖏᑎᐊᕐᓗᓂᓗ ᓄᓕᐊᕐᓂᒃᒥᒃ.

2015ᖑᑎᓪᓗᒍ, ᓄᓇᕗᒻᒦᑐᖅ ᑲᒪᑦᓯᐊᖅᑐᑦ ᐃᑲᔪᖅᑕᐅᕕᒃ ᐅᖄᓚᐅᑎᒃᑯᑦ, ᐊᓯᖑᕐᔪᐊᓚᐅᖅᑐᖅ ᐱᐅᔪᒥᒃ. ᐱᖃᑎᖃᓕᓚᐅᖅᑐᑦ ᐋᑐᕙᑉ ᖃᓂᒋᔭᖓᓄᑦ ᐅᖃᓚᕕᖕᒥᒃ ᐃᓱᒫᓗᒃᑐᓄᑦ ᓴᕿᑕᐅᓚᐅᖅᑐᖅ, ᐊᔾᔨᒌᒥᒃ ᐱᓇᓱᐊᕋᑦᑕ. ᐱᓕᕆᓕᓚᐅᖅᐳᒍᑦ, ᐃᖃᓗᖕᒥᐅᑦ ᐅᖄᓚᕝᕕᖕᒦᑉᐸᒡᓗᑎᒃ 6ᒥᑦ ᐅᓐᓄᑯᑦ 11ᒧᑦ ᐅᓐᓄᒃᑯᑦ ᐊᒻᒪᓗ ᐊᑐᕚᒥ ᐃᓱᒪᓗᒃᑐᓄᑦ ᐅᖄᓚᕝᕕᐅᑉ ᐱᕙᒡᓗᓂᐅᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ. ᑖᓐᓇ ᑐᑭᖃᖅᑐᖅ ᑲᒪᑦᓯᐊᖅᑐᑦ ᒪᑐᐃᖓᖃᑦᑕᓕᕐᓗᓂ ᐃᑲᕋᓂᒃ 24ᓂᒃ ᐱᓇᓱᐊᕈᓯᓕᒫᒥ, ᐊᒻᒪᓗ ᐅᖃᓚᔪᓕᒫᓗ ᑭᐅᔭᐅᖏᓐᓇᕈᓐᓇᖅᓯᓪᓗᑎᒃ. ᐃᓱᒫᓗᒃᑐᓄᑦ ᐅᖄᓚᕕᒃ ᐋᑐᕚᑦ ᖃᓂᒋᔭᖓᓃᑦᑐᖅ ᐊᑐᕐᒪᑦ ᖃᕆᓴᐅᔭᒃᑯᑦ ᖃᔅᓯᓂᒃ ᐅᖃᓚᓯᒪᔪᖃᕐᒪᖔᖅ, ᐊᒻᒪᓗ ᑲᒪᑦᓯᐊᖅᑐᑦ ᐊᔾᔨᖓᓂᒃ ᐊᑐᓕᕆᓪᓗᑎᒃ. ᖃᓯᓂᒃ ᐅᖃᓚᓯᒪᔪᖃᕐᒪᖔᖅ ᑲᕆᓴᐅᔭᒦᓕᖅᑐᑦ, ᐊᒻᒪᓗ ᐊᔪᕐᓇᙱᓂᖅᓴᐅᓪᓗᓂ ᐱᔪᒪᓗᒋᑦ ᖃᐅᔨᓴᖅᑕᐅᔪᓐᓇᖅᖢᓂ ᐱᔭᐅᔪᓐᓇᖅᖢᓂᓗ.


1994, 2003, 2016ᖑᑎᓪᓗᒍᓗ ᑲᓇᑕᒥ ᐃᒻᒥᓃᑕᐃᓕᒪᓂᕐᒧᑦ ᑲᑐᔨᖃᑎᒌᑦ (CASP) ᐊᕐᕌᒍᑕᒪᓯᐅᑎᒥᒃ ᑲᑎᒪᓚᐅᖅᓯᒪᔪᑦ ᐃᖃᓗᖕᓂ. ᑲᒪᑦᓯᐊᖅᑐᑦ ᑲᑎᒪᑎᑦᑎᓚᐅᖅᑐᑦ ᑖᑯᓂᖓ ᐱᖓᓱᓂᒃ. ᑖᑯᐊ ᐱᖓᓱᑦ ᑭᖑᓕᕇᒃᖢᑎᒃ ᑲᑎᒪᓂᐅᔪᑦ ᑲᓇᑕᓕᒫᒥ ᑲᑎᒪᓂᐅᓚᐅᖅᑐᑦ “ᐅᑭᐅᖅᑕᖅᑐᒥᓚᐅᖅᑐᑦ.” ᑭᒃᑯᕈᓘᔭᕐᓂᑦ ᐊᔾᔨᒌᖏᑐᓂᑦ ᐅᐸᒃᑕᐅᑐᐃᓐᓇᓚᐅᙱᑦᑐᖅ ᑲᓇᑕᓕᒪᒥᑦ ᖃᐃᔪᖃᓚᐅᖅᑐᖅ, ᐊᒥᐊᓕᒃᑲᓪᓗ ᑲᓇᑕᓕᒫᒥᓪᓗ, ᑭᓯᐊᓂ ᖃᐅᔨᒪᔭᐅᔪᓂᒡᓗ ᐅᑭᐅᖅᑕᖅᑐᕐᒥᐅᑕᕐᓂᒃ ᖃᐃᔪᖃᓚᐅᕐᒥᔪᖅ ᐅᖃᐅᓯᐅᓚᐅᖅᑐᑦ... “ᐃᑲᔪᖅᑐᐃᔪᒻᒪᕆᖕᒥᒃ ᐃᓂᖃᓚᐅᖅᑐᖅ ᐃᒻᒥᓃᑕᐃᓕᓂᕐᒧᑦ, ᐃᒻᒥᓃᖅᑎᑦᑎᑕᐃᓕᓂᕐᒧᓪᓗ, ᐃᒻᒥᓃᑐᖁᑎᖃᑐᓂᓗ ᐃᑲᔪᖅᑐᐃᓂᕐᒥᒃ ᖃᐅᔨᕚᓪᓕᕈᑎᒃᓴᒥᒡᓗ ᐱᑎᑦᑎᓪᓗᑎᒃ ᐃᑲᔪᖅᑐᐃᓂᕐᒥᒡᓗ.” ᐊᑭᓕᖅᓱᖅᑕᐅᓇᑎᒃ ᑲᑎᒪᔪᓂᒃ, ᐃᑲᔪᓚᐅᖅᑐᑦ ᐃᓚᒋᔭᐅᓪᓗᑎᒡᓗ.

Native American Mother and Daughter posing for the camera.

ᖃᐅᔨᑎᑦᑎᓂᖅ ᐅᖃᐅᓯᕆᔭᐅᓚᐅᖅᑐᖅ ᐊᒻᒪᓗ “ᐅᓂᒃᑳᒋᑦ” ᑎᒥᖁᑎᒋᔭᐅᔪᑦ, ᕼᐊᒻᒪᓚᑯᑦ, ᖃᐃᖁᔭᐅᓯᒪᔪᓪᓗ, ᑲᓇᑕᒥᐅᑕᐅᔪᓪᓗ, ᐅᖃᓚᐅᑎᒃᑯᑦ ᐃᑲᔪᕐᓂᖅ ᐱᒻᒪᕆᐅᓂᕋᖅᑕᐅᓚᐅᖅᐳᖅ ᐱᐅᔪᒥᒃ ᐱᑎᑦᑎᓚᐅᕐᒪᑦ ᐅᓄᖅᑐᓂᒃ ᐃᓄᖕᓂᒃ.


ᓄᓇᕗᒻᒥ ᑲᒪᑦᓯᐊᖅᑐᑦ ᐅᖃᓚᐅᑎᒃᑯᑦ ᐃᑲᔪᖅᑕᐅᕕᒃ ᑭᓇᐅᒪᒑᖅ ᑐᓴᑕᐅᔭᕆᐊᖃᙱᑦᑐᓂᒡᓗ ᐅᖄᓚᐅᑎᒃᑯᑦ ᐅᖃᖃᑎᖃᐃᓐᓇᐅᔭᖅᐸᒃᐳᑦ ᐊᒻᒪᓗ ᐊᐳᖅᓯᓗᑎᒃ ᐱᔨᑦᑎᕋᓂᕐᒥᒃ ᐱᔭᕆᐊᖃᖅᑐᖃᖅᐸᑦ ᐅᑭᐅᖅᑕᖅᑐᓕᒫᒧᑦ “ᓈᓚᒃᑕᐅᔭᕆᐊᖃᖅᐸᑕ ᐃᖅᑲᑐᐃᖏᑦᑐᒥᒃ ᐅᖃᐅᓯᖃᓗᑎᒃ ᐃᒻᒥᓂᙶᓯᒪᔪᓂᒃ ᐊᑲᐅᖏᓕᐅᕈᑕᐅᔪᓂᒃ ᐅᕝᕙᓘᓐᓃᑦ ᐊᑲᐅᙱᓕᐅᕈᑎᖃᖅᑐᓂᒃ, 365ᓂᒃ ᐅᓪᓗᓂᒃ ᑕᐃᑲᓃᑉᐸᒃᐳᒍᑦ ᐊᕐᕌᒍᓕᒫᒥ. ᑲᒪᑦᑎᐊᖅᑐᑦ ᐱᓚᐅᖅᐳᑦ ᐅᖃᐅᓯᐅᔪᓂᒃ ᐱᐅᔪᓂᒃ ᐱᕕᖃᖅᑎᑦᑎᕙᒪᑕ ᐱᔭᕆᐊᖃᓪᓚᕆᒃᑐᓂᒃ ᐊᒻᒪᓗ ᐱᔭᐅᔭᕆᐊᖃᖅᑐᒥᒃ ᐱᔨᑦᑎᕋᐅᑎᒥᒃ, ᐊᑭᑭᑦᑐᒥᒃ, ᑲᓇᑕᒥᐅᑦ ᐱᕙᒃᑕᖏᑎᑐᑦ ᐱᔨᑦᑎᕋᐅᑎᒥᒃ ᑲᓇᑕᒥᐅᑎᑐᑦ ᓯᓚᔪᐊᕐᒥᓗ, ᐅᖃᐅᓯᐅᕙᙱᑦᑐᖅ ᐱᔪᓯᖓ ᐱᓯᒪᐃᓐᓇᕐᓂᖅ ᐱᔨᑦᑎᕋᐅᑎᒥᒃ ᐊᑭᓕᖅᓱᑕᐅᓇᑎᒡᓗ ᐃᖃᓇᐃᔭᖅᑎᓂᒃ.

ᑲᒪᑦᓯᐊᖅᑐᑦ ᐱᑕᖃᕋᔭᙱᑦᑐᖅ ᐃᑲᔪᖅᑐᖅᑕᐅᙱᒃᑯᓂ ᐊᔨᒌᙱᑦᑐᓂᑦ ᑎᒥᖁᑎᒋᔭᐅᔪᓂᑦ ᓇᖕᒥᓂᕆᔭᐅᔪᓂᓪᓗ ᑐᓂᔭᐅᕙᒃᖢᑎᒡᓗ ᒥᑭᓂᖅᓴᓂᑦ ᑎᒥᖁᑎᒋᔭᐅᔪᓂᑦ, ᓇᖕᒥᓂᕆᔭᐅᔪᓂᓪᓗ ᑲᑎᖓᔪᓂᓪᓗ ᐃᓄᑐᐃᓐᓇᕐᓂᓪᓗ.


 

ᑐᓂᓯᒋᑦ ᑲᒪᑦᓯᐊᑐᒃᑯᓐᓄᑦ ᓄᓇᕗᒻᒥ ᐅᖄᓚᐅᑎᒃᑯᑦ ᐃᑲᔪᖅᑕᐅᕕᖕᒧᑦ

ᑕᑯᓯᐅᒃ ᑐᓂᕈᓯᐊᕗᑦ ᖃᕆᓴᐅᔭᕐᒥ, ᖃᐅᔨᔪᒪᒍᕕᑦ, ᑮᓇᐅᔭᐃᑦ ᐃᑲᔫᑎᒋᔭᑎᑦ ᐃᑲᔪᕐᓂᐊᖅᑐᑦ ᑲᒪᑦᓯᐊᖅᑐᒥᒃ ᐊᐅᓚᓂᖓᓂᒃ ᐱᑕᖃᐃᓐᓇᕐᓂᐊᓂᖓᓂᒡᓗ

ᑮᓇᐅᔭᒃᓴᓇᑎᒃ ᐃᖅᑲᓇᐅᔭᖅᑐᑦ ᑲᒪᑦᓯᐊᖅᑐᒃᑯᓐᓂ ᓄᓇᕗᒻᒥ ᐅᖄᓚᐅᑎᒃᑯᑦ ᐃᑲᔪᖅᑕᐅᕕᖕᒥ

ᐃᖃᓗᖕᓂ ᓄᓇᖃᕈᕕᑦ ᐱᔪᒪᒍᕕᑦ ᐊᑭᓕᖅᓱᖅᑕᐅᙱᓪᓗᑎᑦ ᐃᖅᑲᓇᐃᔭᖅᑎᙳᕈᒪᒍᕕᑦ ᐅᕙᑦᑎᓐᓄᑦ, ᐃᓚᒋᔭᐅᔪᒪᒍᕕᑦ ᖁᕕᐊᓱᒃᑲᔭᖅᐳᒍᑦ!

ᑮᓇᐅᔭᖃᖅᑎᑦᑎᕐᔪᐊᖅᑐᑦ ᑐᓂᓯᔪᓪᓗ

ᑐᓂᓯᔪᑦ ᑲᔪᓯᔪᖅ

Alianait Arts Festival

Arctic Cooperatives LTD - The Market Place

Astro Theatre

Baffin Canners

CBC - Iqaluit

Canadian North

Carvings Nunavut

City of Iqaluit

Discovery Hotel

Embrace Life Council

Inuksuk High School

Iqaluit Fine Arts Studio

Lester Landau

NACA

Nassituq

NCC Investments

Northern Properties

 

 

Northmart

Nunasi Corp.

Nunatsiaq News

Nunatta Sunakkutaangit Museum

Nunavut Arctic College

Nunavut Fisheries Training Coalition

Nunavut Legislative Assembly

Nunavut Power Corporation

Nunavut Tourism

Nunavut Tunngavik Inc.

NWMB - Nunavut Wildlife Management Board

Outcrop Communications LTD

Rannva Designs

RBC - Iqaluit Branch

R.L. Hanson Construction LTD

Southeast Nunavut Company LTD

Uasau Soap

Uqsuq